முருகன்‌ மந்‌தி‌ரம்‌ | Murugan Manthiram

அருவி, உச்சம் தொடும் அன்பின் கொடி! அருவி, கண்களுக்குள் உன்னை மீண்டும் மீண்டும் கொட்டி நிறைத்துக்கொள்கிறேன் அருவி. அப்பாவின் வாசம் தொடரும் சிறுமகளாய் நீ மழலை பேசுகையில்… மனதில் பாதி அப்பாவாகவும் மீதி மகளாகவும ஆனேன். # அதிதிபாலன் , உனக்கு அப்பா, அம்மா வைத்த பெயர். # அருவி அருண் பிரபு புருஷோத்தமன் வைத்த பெயர். ‘அதிதி’, ‘அருவி’யாய் மாறிய அற்புதம், திரையெங்கும் உணர்வின் வண்ணங்களாய் நிறைந்து வழிகிறது. உதடுகள் திறக்காமல் புன்னகைக்க வைக்கிறாய், ஊமையாகி உள்ளுக்குள்ளே புலம்ப வைக்கிறாய். வாய்விட்டு சிரிக்க நடுவில் நகைச்சுவை தருகிறாய்… சின்னச் சின்னக் குறும்புகளால் ரசிக்க வைக்கிறாய். சினம் கொண்டு சீறுகையில் சிந்தனைக்குள் தள்ளுகிறாய். திரையில் நீயும் எதிரில் நானும் இடைவெளிகள் இருந்தாலும் என் அருகில் வந்து கதைக்கிறாய். ஒன்றரை மணி நேரம் உயிருக்குள் என்னென்னவோ விதைக்கிறாய். இதயம் வலிக்க இமைகள் பனிக்க கண்ணீர் உப்புநீராய் விழுகிறாய். இவை எல்லாம் தாண்டி…. உச்சம் தொடும் அன்பின் கொடியென உயர்ந்து பறக்கிறாய்! இன்று மட்டுமல்ல, என்றென்றும் தமிழ் சினிமாவின் தனிக்கொடியாய் உயர்ந்து ...

பாலிவுட் என்கிற இந்தி சினிமாவின் தலைநகரமான மும்பை தான், மராத்திய சினிமாவிற்கும் தலைநகரம் என்றாலும், இந்தி திரைப்படங்கள் போல மராத்திய திரைப்படங்கள் மிகப்பெரிய வணிக எல்லைகளுக்குள் சென்றதில்லை. கடந்த மாதம் வெளியான மராத்திய மொழி திரைப்படம், சாய்ரட்(SAIRAT) அதை சாத்தியப்படுத்தி இருக்கிறது. சாய்ரட் என்றால் காட்டுமிராண்டித்தனம் என்று பொருளாம். நான்கு கோடியில் தயாரிக்கப்பட்டு 100 கோடி வசூல் சாதனை படைத்திருக்கிறது சாய்ரட். இந்தி சினிமாவை மிரள வைத்து… இந்தி சினிமா பிரபலங்களை புகழ வைத்திருக்கிறது, “சாய்ரட்”. அப்படி என்ன தான் கதை… காதல்… காதலைத் தவிர வேறொன்றுமில்லை. அர்ச்சி (அ) அர்ச்சனா என்கிற பாட்டீல் இன பெண்ணுக்கும் பர்ஸ்யா என்கிற பிரசாந்த் காலே ஆகிய தாழ்த்தப்பட்ட சமுதாயத்தை சேர்ந்த வாலிபனுக்கும் இடையேயான காதலின் தொடக்கமும் முடிவும் தான் சாய்ரட். அர்ச்சியாக நடித்திருக்கும் அந்த சற்றே பூசி மெழுகிற உடலழகி… துடிப்பான திமிரழகி…. ரிங்கு ராஜ்குருவை கதையின் நாயகன் மட்டுமல்ல… நீங்களும் காதலிக்கத் தொடங்கி விடுவீர்கள். பார்வை. நடை, உடை, பாவனை, என எந்தப்பக்கம் திரும்பினாலும் திகட்டாமல் ரசித்துக்கொண்டே ...